Prezidentimizning tegishli qaroriga ko’ra, Boboev Alisher Shukrullaevich Sog’liqni saqlash vazirining birinchi o’rinbosari etib tayinlandi

Prezidentimizning tegishli qaroriga ko’ra, Boboev Alisher Shukrullaevich Sog’liqni saqlash vazirining birinchi o’rinbosari etib tayinlandi.

A.Boboev 1996 yilda Toshkent davlat tibbiyot institutini tamomlab, ushbu oliy o’quv yurtining klinik ordinatura yo’nalishida tahsil olgan.

Mehnat faoliyatini 1998 yilda Toshkent davlat tibbiyot institutida katta laborant sifatida boshlagan.

Turli yillarda Toshkent farmasevtika instituti tibbiy biologik fanlar kafedrasi katta laboranti, Toshkent shahar Olmazor tumani ko’p tarmoqli Markaziy poliklinikasi, 1-sonli Respublika klinik shifoxonasi maslahat-diagnostika poliklinikasi hamda Respublika klinik shifoxonasi urologiya bo’limi singari qator muassasalarda shifokor-urolog, Sog’liqni saqlash vazirligi kotibiyatida bosh mutaxassis kabi lavozimlarda ishlagan.

II darajali “Salomatlik” ordeni bilan taqdirlangan A.Boboev tayinlovga qadar Qashqadaryo viloyati sog’liqni saqlash boshqarmasi boshlig’i sifatida faoliyat yuritib kelayotgan edi.

Sog’liqni saqlash vazirligi
Matbuot xizmati.