Қочинг ! Стресс,Тушкунлик,Зўриқиш.
Бутун жаҳон соғлиқни сақлаш ташкилоти ўтказган тадқиқотлардан маълум бўлишича , ишлаб чиқариш ривожланган давлатларда 10% аҳоли жиддий асаб касалликларига чалинганлар. Бунинг асли сабаби , зўриқиш , ўзоқ вақт тушкунликда юриш ундан чиқиб кета олмаслик. Бир сўз билан айтганда , стресс-инсон организми ҳаддан ортиқ зўриқиши натижасида вужудга келади.
Стресс- йиллар ёки ойлар давомида йиғилган ҳафагарчиликлар туфайли вужудга келади , ёки ишдаги омадсизлик , барчасига улгурмаслик туфайли , яна бўлмаса ҳаётда яқин инсонлардан ажраш ёки у билан муносабатларнинг кескин совиши натижасида юзага келади. Стресс холатига тушишнинг ҳам салбий ҳам ижобий хислатлари мавжуд. Мана масалан , салбий томони –юрак қон томир касалликлари , неврознинг асосчисидир , Ижобий томони – у “ҳаёт тузи” хисобланиб , иш фаолиятининг самарадорлигини оширади. Аммо бунинг ҳам меъёри бўлиши лозим.
Стресс (изтироб, ички салбий руҳий кечинмаларни бартараф этиш усуллари:
- Биринчи ва асосий қоида шундаки , қаттиқ стресс ҳолатида ҳеч қандай кескин қарор қабул қилмаслик ва бунга харакат ҳам қилмаслик керак(табиий офатлар жараёнида ўз жонини сақлаб қолишга харакат қилиш бундан мустаснодир).
- Аждодларимиз маслаҳатига қулоқ тутинг — 10 гача сананг.
- Қўлингизга совуқ сув олиб , пешонангиз, чаккалирингизни ва артерия қон томирларини ҳўллашга ҳаракати қилинг.
- Деразадан осмонга қаранг , кўраётган нарсангизга диққатингизни тўпланг , қачон сиз осмонга охирги марта қарагансиз?
- Стаканга сув олиб , уни секин ичинг . Ичаётганингизда томоғингиздан утишига эътибор беринг .Унга диққатингизни қаратинг.
- Танангизни бошқариш яъни релакция машқларини бажариш. Бунда ўзингизга қулай ўтириб олиб, бутун танани бўш қўйиш , организмни бошқаришни хис қилиш.,ҳар қандай ўй хаёлларингиздан фориғ бўлишга харакат қилинг.
Тавсиялар:
- Ҳар бир қилаётган ишингиздан завқланишга ўрганинг.
- Ҳаётингиздаги ҳар бир воқеадан , ҳоҳ кичик бўлсин ҳоҳ катта , яхшилик , маъно изланг.
- Атрофдагиларга меҳрли бўлинг.
- Бўлган салбий воқеаларга фожиа сифатида қараманг . Юзаки ёндашинг.
- Ишларингизни олдиндан режалаштириб қўйинг ,Ўшанда , ҳавотирланмасдан ҳамма ишларга улгурасиз.
- Муаммоларингиз кўп бўлса , бир вараққа ҳаммасини ёзиб чиқинг. Сўнгра энг осонидан бошлаб қийинига қараб ,муаммони бир четдан ҳал қилинг .
- Сизни қўрқитаётган муаммоларни майда булакларга бўлинг ва уни кўзингизга кичиклаштиринг.
- Яхши нарсалар ҳақида ўйланг . Ҳали ҳаммаси яхши бўлади. Ишонинг,эртанги кун сиз кутгандан ҳам омадларга тўла бўлиши мумкун. Шундай экан ортиқча ташвишга не ҳожат.
